റിയാദ്: സഊദിയിലെ തായിഫില്‍ വാഹനാപകടത്തില്‍ മലയാളി യുവതിയും പിഞ്ചുമക്കളും മരിച്ചു. കരൂപ്പടന്ന കൊച്ചിക്കാരന്‍ മുഹമ്മദിന്റെ മകന്‍ മുഹമ്മദ് ഷഹീന്റെ (ബാബു) ഭാര്യ സബീന ( 35 ),  മക്കളായ അസ്‌റ ഫാത്തിമ (7), ദിയ ഫാത്തിമ (എട്ടുമാസം) എന്നിവരാണ് മരിച്ചത്.

ഉംറ തീര്‍ഥാടനത്തിനുള്ള യാത്രക്കിടെ തായിഫിനടുത്തായിരുന്നു അപകടം. ഗുരുതരമായി പരുക്കേറ്റ മുഹമ്മദ് ഷഹീന്‍ (38), കൊണ്ടോട്ടി സ്വദേശി ശംസുദ്ദീന്റെ മകന്‍ മുനവ്വര്‍ (14) എന്നിവരെ ആശുപത്രിയില്‍ പ്രവേശിപ്പിച്ചു. സഊദിയില്‍ ജോലി ചെയ്യുന്ന മുഹമ്മദ് ഷഹീന്‍ കുടുംബസമേതം റിയാദിലാണ് താമസം. പിതാവ് മുഹമ്മദ് കെ.കരുണാകരന്‍ മുഖ്യമന്ത്രിയായിരുന്നപ്പോള്‍ പെഴ്‌സനല്‍ അസിസ്റ്റന്റ് ആയിരുന്നു.