മേപ്പാടി: കാത്തിരുന്നു മടുത്ത ശേഷം വിതരണത്തിനെത്തിയ പുതിയ റേഷന്‍ കാര്‍ഡുകള്‍ കൈയില്‍ കിട്ടണമെങ്കില്‍ ഗുണഭോക്താവ് മണിക്കൂറുകളോളം ക്യൂ നില്‍ക്കേണ്ടി വരികയാണ്.
ജൂണ്‍ ഒന്ന് മുതലാണ് ജില്ലയിലെ റേഷന്‍ കാര്‍ഡ് വിതരണം തുടങ്ങിയത്. റേഷന്‍ കടകളിലും പ്രത്യേകം തയാറാക്കിയ കേന്ദ്രങ്ങളില്‍ വച്ചുമാണ് കാര്‍ഡ് വിതരണം. കാര്‍ഡുകളുടെ പരിശോധനയും ഗുണഭോക്താവിന്റെ രേഖകളുടെ പരിശോധനക്കുമായി ഏറെ നേരം ചെലവഴിക്കേണ്ടി വരുന്നതിനാല്‍ കുറഞ്ഞ കാര്‍ഡുകള്‍ മാത്രമേ ഒരു ദിവസം നല്‍കാന്‍ കഴിയുന്നുള്ളൂ. 2013ല്‍ വിതരണം ചെയ്യേണ്ട കാര്‍ഡാണ് നാല് വര്‍ഷത്തിന് ശേഷം വിതരണം ചെയ്യുന്നത്.
ഭക്ഷ്യഭദ്രതാ നിയമപ്രകാരമുള്ള തരം തിരിക്കല്‍ പൂര്‍ത്തിയാക്കി അഞ്ച് തരം കാര്‍ഡുകളാണ് വിതരണത്തിന്. കൂടുതല്‍ സൗകര്യങ്ങള്‍ വിതരണത്തിന്ഒരുക്കണമെന്ന ആവശ്യവും ശക്തമാണ്.