ബഹ്‌റൈന്‍: സുവര്‍ണ്ണ ജൂബിലിയുടെ നിറവില്‍ നില്‍ക്കുന്ന കേരള കാത്തലിക് അസോസിയേഷന്‍ 'ഓണം പൊന്നോണം 2019' പരിപാടിയുടെ ഭാഗമായി 50 അംഗ സംഘാടക സമിതിയുടെ രൂപീകരണവും വിവിധ സബ് കമ്മിറ്റികളുടെ രൂപീകരണവും ഇന്ത്യന്‍ ഡിലൈറ്റ് റസ്റ്റോറന്റില്‍ നടന്നു. സെപ്റ്റംബര്‍ അഞ്ച് മുതല്‍ 20 വരെ നീണ്ടു നില്‍ക്കുന്ന ഓണാഘോഷ പരിപാടിയില്‍ മുഖ്യാതിഥിയായി ശ്രീകുമാരന്‍തമ്പി പങ്കെടുക്കും.

ബഹ്‌റൈനിലെ വിവിധ ലേബര്‍ ക്യാമ്പുകളില്‍ നിന്നുള്ള ആയിരത്തില്‍പരം തൊഴിലാളി സുഹൃത്തുക്കള്‍ക്ക് സൗജന്യ ഓണസദ്യ ഒരുക്കുമെന്നും പ്രസിഡണ്ട് സേവി മാത്തുണ്ണി, സെക്രട്ടറി വര്‍ഗീസ് ജോസഫ് എന്നിവര്‍ പറഞ്ഞു.ഓണാഘോഷങ്ങളുടെ ജനറല്‍ കണ്‍വീനര്‍ ജോഷി വിതയത്തില്‍, രക്ഷാധികാരി പി.പി ചാക്കുണ്ണി, കോര്‍ ഗ്രൂപ്പ് ചെയര്‍മാന്‍ വര്‍ഗീസ് കാരക്കല്‍, സ്‌പോണ്‍സര്‍ഷിപ് കമ്മിറ്റി കണ്‍വീനര്‍ ജോസ് കെ.പി, ഫ്രാന്‍സിസ് കൈതാരത്ത് സംബന്ധിച്ചു.
തുടര്‍ന്ന് ഓണസദ്യക്ക് വേണ്ടിയുള്ള ഡോണര്‍ പാസ്സ് ലോഞ്ചിങ്, വിതരണം എന്നിവയും നടന്നു.