മണ്ണാര്‍ക്കാട്: വീട്ടുമുറ്റത്ത് നിര്‍ത്തിയിട്ട വാഹനങ്ങള്‍ അഗ്നിക്കിരയായി. അലനല്ലൂര്‍ അയ്യപ്പന്‍കാവിലെ പട്ടല്ലൂര്‍ കോളനിയിലെ മനയന്‍കുളയന്‍ ഷൗക്കത്തലിയുടെ ഇന്നോവ കാര്‍, സ്‌കൂട്ടി, ടിപ്പര്‍ ലോറി എന്നിവയാണ് കത്തി നശിച്ചത്. ഞായറാഴ്ച രാത്രിയിലാണ് സംഭവം. കാറും സ്‌കൂട്ടിയും പൂര്‍ണമായും ടിപ്പര്‍ ലോറി ഭാഗികമായും കത്തി നശിച്ചു.
സി.സി.ടി.വിയില്‍ രാത്രിയില്‍ ചിലരുടെ ദൃശ്യങ്ങള്‍ പതിഞ്ഞിട്ടുണ്ടെന്നാണ് സൂചന.
വട്ടമ്പലത്ത് നിന്നും അഗ്നിശമന സേനയെത്തിയാണ് തീയണച്ചത്. നാട്ടുകല്‍ പൊലിസ് കേസെടുത്തു.