ഡല്‍ഹി: കശ്മീരിന് പ്രത്യേക പദവി നല്‍കുന്ന ആര്‍ട്ടിക്കിള്‍ 370 എടുത്ത കളഞ്ഞതുമായി ബന്ധപ്പെട്ട് രാജ്യത്ത് നില നില്‍ക്കുന്ന  പ്രത്യേക രാഷ്ട്രീയ സാഹചര്യത്തിലാണ് പ്രധാനമന്ത്രി
രാജ്യത്തെ അഭിസംബോധന ചെയ്യുന്നത്. നേരത്തെ ഇന്ന് വൈകുന്നേരം 4 മണിക്ക്‌ അഭിസംബോധന ചെയ്യുമെന്ന് പ്രഖ്യാപിച്ചിരുന്നെങ്കിലും പിന്നീട് മാറ്റുകയായിരുന്നു.

രാജ്യസഭയിലും ലോക്‌സഭയിലും ബില്‍ പാസായി രണ്ട് ദിവസങ്ങള്‍ക്ക് ശേഷമാണ് ഇതുമായി ബന്ധപ്പെട്ട് പ്രധാനമന്ത്രിയുടെ ആദ്യപ്രതികരണം വരുന്നത്. നേരത്തേ ബില്‍ സംബന്ധിച്ച് അദ്ദേഹം ട്വിറ്ററില്‍ കുറിപ്പെഴുതിയിരുന്നു. കഴിഞ്ഞ മാര്‍ച്ച് 27നാണ് ഇതിനു മുന്‍പ് അദ്ദേഹം രാജ്യത്തെ അഭിസംബോധന ചെയ്തു സംസാരിച്ചത്. പൊതു തിരഞ്ഞെടുപ്പിന് അല്‍പം മുന്‍പ് ഉപഗ്രഹവേധ മിസൈലായ എ-സാറ്റ് യാഥാര്‍ഥ്യമായതുമായി ബന്ധപ്പെട്ടായിരുന്നു അത്.