മറയൂര്‍ (ഇടുക്കി): കുളിക്കാനിറങ്ങിയ ഐ.എസ്.ആര്‍.ഒ ജീവനക്കാരനെ ഒഴുക്കില്‍പ്പെട്ട് കാണാതായി. ദേവികുളം സ്വദേശി പൊന്നയ്യന്റെ മകന്‍ രാജ്കുമാറിനെ (45) യാണ് ഇടുക്കി പാമ്പാറ്റിലെ കോവില്‍ക്കടവ് ഭാഗത്തുവച്ച് കാണാതായത്.
തിരുവനന്തപുരം ഐ.എസ്.ആര്‍.ഒയിലെ ഫയര്‍മാനായ രാജ്കുമാര്‍ സുഹൃത്തുക്കള്‍ക്കൊപ്പം വെള്ളിയാഴ്ച രാത്രിയാണ് മൂന്നാറിലെത്തിയത്. ഇന്നലെ രാവിലെ പാമ്പാറ്റില്‍ കുളിക്കാനിറങ്ങിയപ്പോഴാണ് കാല്‍വഴുതി ഒഴുക്കില്‍പ്പെട്ടത്. ആറുപേരടങ്ങുന്ന സംഘത്തിന് സമീപവാസികള്‍ മുന്നറിയിപ്പ് കൊടുത്തിരുന്നെങ്കിലും ഇവര്‍ അവഗണിച്ചതായി നാട്ടുകാര്‍ പറയുന്നു.
രാജ്കുമാറും കുടുംബവും തിരുവനന്തപുരത്താണ് താമസിക്കുന്നത്. മാതാവ്: സുബ്ബലക്ഷമി, ഭാര്യ മുരുകേശ്വരി. മക്കള്‍ ആദീശ്വരന്‍, ആദിത്യന്‍.