തിരുവമ്പാടി: ഗ്രാമപഞ്ചായത്തിന്റെ വിവിധ പ്രദേശങ്ങളില്‍ ഡെങ്കിപ്പനിയും മറ്റു പകര്‍ച്ചപ്പനിയും പടരുന്ന സാഹചര്യത്തില്‍ താഴെ തിരുവമ്പാടി വാര്‍ഡ് യൂത്ത് ലീഗ് കമ്മിറ്റി തിരുവമ്പാടിയില്‍ ശുചിത്വബോധന യാത്ര നടത്തി. താഴെ തിരുവമ്പാടി വാര്‍ഡിലെ പാതിരാമണ്ണ് ഭാഗത്ത് ലഘുലേഖകള്‍ വിതരണം ചെയ്തു. മുന്‍ പഞ്ചായത്ത് വൈസ് പ്രസിഡന്റ് കെ.എ അബ്ദുറഹിമാന്‍ ഉദ്ഘാടനം ചെയ്തു. തിരുവമ്പാടി പ്രാഥമികാരോഗ്യ കേന്ദ്രം ഹെല്‍ത്ത് ഇന്‍സ്‌പെക്ടര്‍ സച്ചിദാനന്ദന്‍, പബ്ലിക് ഹെല്‍ത്ത് നേഴ്‌സ് ജലജ, ആശാ വര്‍ക്കര്‍ രമണി, റഫീഖ് തെങ്ങുംച്ചാലില്‍, കബീര്‍ ആലുങ്ങാതൊടി, ഫൈസല്‍ മാതംവീട്ടില്‍, ഫളലുറഹ്മാന്‍, ഷംനാസ് ചേപ്പാലി, ഖൈസ് കുന്നതൊടി, സുഹൈല്‍ ആശാരിക്കണ്ടി, അമല്‍ കോഴിശ്ശേരി നേതൃത്വം നല്‍കി.