ന്യൂഡല്‍ഹി: രാജ്യത്തെ പരമോന്നത ബഹുമതിയായ ഭാരത് രത്‌ന മുന്‍ രാഷ്ട്രപതി പ്രണബ് മുഖര്‍ജി രാഷ്ട്രപതി രാംനാഥ് കോവിന്ദില്‍ നിന്ന് ഏറ്റുവാങ്ങി. ഭാരതീയ ജനസംഘം നേതാവ് നാനാജി ദേശ്മുഖ്, അസമിസ് ഗായകനായിരുന്ന ഭൂപന്‍ ഹസാരിക എന്നിവര്‍ക്കും മരണാനന്തര ബഹുമതിയായി ഭാരത് രത്‌ന സമ്മാനിച്ചു.
പ്രണബ് മുഖര്‍ജി, ഭൂപന്‍ ഹസാരികയുടെ മകന്‍ തേജ്, നാജി ദേശ്മുഖിന്റെ ബന്ധു വിക്രമം ജിത് സിങ് എന്നിവര്‍ രാഷ്ട്രപതിയില്‍ നിന്ന് രാജ്യത്തെ പരമോന്നത ബഹുമതി കൈപ്പറ്റി. രാഷ്ട്രപതി ഭവനില്‍ നടന്ന ചടങ്ങിലാണ് ഇവര്‍ക്ക് ഭാരത് രത്‌ന സമ്മാനിച്ചത്.