ഇസ്താംബുള്‍: ജമാല്‍ കഷോഗിയുടെ തിരോധാനത്തില്‍ പുതിയ വെളിപ്പെടുത്തലുമായി തുര്‍ക്കി അധികൃതര്‍. ഇസ്താംബുളിലെ സഊദി കോണ്‍സുലേറ്റിനുള്ളില്‍ എന്താണ് സംഭവിച്ചതെന്നു ജമാല്‍ കഷോഗിയുടെ സ്മാര്‍ട്ട് വാച്ച് പകര്‍ത്തിയിരിക്കുമെന്നാണ് കണ്ടെത്തല്‍. കോണ്‍സുലേറ്റിനുള്ളില്‍വച്ച് സ്മാര്‍ട്ട് വാച്ച് പകര്‍ത്തിയ ദൃശ്യങ്ങളും ഓഡിയോയും അദ്ദേഹത്തിന്റെ പ്രതിശ്രുത വധുവിന്റെ ഫോണിലേക്കെത്തിയിരുന്നെന്നും വിവരമുണ്ട്. കോണ്‍സുലേറ്റിനുള്ളില്‍ നടന്ന കാര്യങ്ങള്‍ ഈ വാച്ചിന്റെ മെമ്മറിയിലുണ്ടാകുമെന്നാണ് തുര്‍ക്കി അധികൃതരുടെ പ്രതീക്ഷ.
എന്നാല്‍, വാച്ച് കാര്യങ്ങള്‍ റെക്കോര്‍ഡ് ചെയ്യുന്നുണ്ടെന്നു മനസിലാക്കിയ സഊദി ഇന്റലിജന്റ്‌സ്, കഷോഗിയുടെ വിരലടയാളം ഉപയോഗിച്ച് അതിന്റെ ലോക്ക് തുറന്ന് ചില ഫയലുകള്‍ ഡിലീറ്റ് ചെയ്തതായും തുര്‍ക്കി പത്രം റിപ്പോര്‍ട്ട് ചെയ്തു. എന്നാല്‍, വൈകാതെ ഫോണിലൂടെ ഈ ഫയലുകള്‍ തിരിച്ചെടുക്കാനാകും.