കൊച്ചി: കനത്ത മഴയില്‍ റണ്‍വേയിലേക്ക് വെള്ളം കയറുന്ന സാഹചര്യത്തില്‍ നെടുമ്പാശ്ശേരി വിമാനത്താവളം ഞായറാഴ്ച വരെ അടച്ചിടുന്നതായി സിയാല്‍ അധികൃതര്‍ അറിയിച്ചു. ഞായറാഴ്ച വൈകിട്ട് മൂന്ന് വരെയാണ് സര്‍വിസുകള്‍ നിര്‍ത്തിവച്ചത്.

വെള്ളിയാഴ്ച രാവിലെ ഒന്‍പത് വരെ സര്‍വിസുകള്‍ താല്‍ക്കാലികമായി നിര്‍ത്തിവക്കുകയാണെന്നാണ് അദ്യം അറിയിച്ചത്. എന്നാല്‍ കനത്ത മഴ തുടരുന്നതിനാല്‍ ഞായറാഴ്ചവരെ വിമാനത്താവളം അടച്ചിടാന്‍ തീരുമാനിക്കുകയായിരുന്നു. കൊച്ചി എയര്‍പോര്‍ട്ട് വഴി സര്‍വിസ് നടത്തേണ്ട നിരവധി വിമാനങ്ങള്‍ ഇതോടെ വഴിതിരിച്ച് വിട്ടിരിക്കുകയാണ്.