തിരുവനന്തപുരം: ഇന്ദിരാഗാന്ധിയുടെ ജന്മശതാബ്ദി വിവിധ പരിപാടികളോടെ ആഘോഷിക്കുമെന്ന് കെ.പി.സി.സി ജനറല്‍ സെക്രട്ടറി തമ്പാനൂര്‍ രവി അറിയിച്ചു. ആഘോഷപരിപാടികള്‍ നവംമ്പര്‍ 19ന് അവസാനിക്കും.
ജൂലൈയില്‍ തിരുവനന്തപുരത്തും ഓഗസ്റ്റില്‍ കൊച്ചിയിലും സെപ്റ്റംബറില്‍ കോഴിക്കോട്ടും സെമിനാറുകള്‍ സംഘടിപ്പിക്കും. തിരുവനന്തപുരത്ത് നടക്കുന്ന ആഘോഷപരിപാടികള്‍ക്ക് നേതൃത്വംനല്‍കാന്‍ മുന്‍ ഡെപ്യൂട്ടി സ്പീക്കര്‍ പാലോട് രവി, ഡി.സി.സി പ്രസിഡന്റ് നെയ്യാറ്റിന്‍കര സനല്‍ എന്നിവര്‍ രക്ഷാധികാരികളായി സംഘാടകസമിതി രൂപീകരിച്ചു.