തിരുവനന്തപുരം: മഴക്കെടുതിയെ തുടര്‍ന്ന് ടാങ്കറുകള്‍ ഓടാത്തതിനാല്‍ പെട്രോള്‍ പമ്പുകള്‍ മൂന്നുദിവസത്തേക്ക് തുറക്കില്ലെന്ന് സമൂഹമാധ്യമങ്ങളില്‍ വ്യാജ പ്രചാരണം. ആധികാരികമല്ലാത്ത വാര്‍ത്തകള്‍ സമൂഹമാധ്യമങ്ങളിലൂടെ പ്രചരിപ്പിക്കരുതെന്ന് എല്ലാ വകുപ്പ് അധികൃതരും മുന്നറിയിപ്പ് നല്‍കിയിരുന്നു. എന്നാല്‍, അത് ലംഘിച്ചാണ് നുണ പ്രചാരണം അഴിച്ചുവിടുന്നത്.
ഇതേതുടര്‍ന്ന് ഇന്നലെ രാവിലെ മുതല്‍ പമ്പുകളില്‍ വന്‍ തിരക്കായിരുന്നു. ഇടുക്കി, ഇടമലയാര്‍ ഡാമുകള്‍ തുറന്നുവിട്ടുവെന്നും ചിലര്‍ നുണപ്രചാരണം നടത്തുന്നുണ്ട്.