കവളപ്പാറയില്‍ ഉരുള്‍പൊട്ടലുണ്ടായ പ്രദേശത്ത് രക്ഷാപ്രവര്‍ത്തനം തുടരുന്നതിനിടെ ഒരു മൃതദേഹം കൂടി ലഭിച്ചു. അതോടെ ഇതുവരെ സംസ്ഥാനത്ത് പ്രളയത്തില്‍ മരിച്ചവരുടെ എണ്ണം 60 ആയി. കവളപ്പാറയില്‍ നിന്നും ഇന്ന് ആറ് മൃതദേഹങ്ങളാണ് കണ്ടെത്തിയത്. ഇനി 54 പേരെ ഇവിടെ കണ്ടെത്താനുണ്ടെന്നാണ് ഔദ്യോഗിക വിവരം. ഇതില്‍ 20 പേര്‍ കുട്ടികളാണെന്ന് സൂചനയുണ്ട്. വയനാട് മേപ്പാടിയിലെ പുത്തുമലയില്‍ ഇനി ഒന്‍പത് പേരെ കണ്ടെത്താനുണ്ടെന്ന് മന്ത്രി എ.കെ ശശീന്ദ്രന്‍ അറിയിച്ചു. ഒന്‍പത് പേരുടെ മൃതദേഹങ്ങള്‍ ഇവിടെ നിന്നും പറത്തെടുത്തിരുന്നു.

---

12.45 PM

വയനാട്ടിലെ ദുരിതബാധിത പ്രദേശങ്ങള്‍ രാഹുല്‍ ഗാന്ധി നാളെ സന്ദർശിക്കും

---

12.15 PM

കവളപ്പാറയില്‍ വീണ്ടും ഉരുള്‍പൊട്ടല്‍

വലിയ ദുരന്തം വിതച്ച നിലമ്പൂര്‍ കവളപ്പാറയില്‍ രക്ഷാപ്രവര്‍ത്തനത്തിനിടെ വീണ്ടും ഉരുള്‍പൊട്ടി. ആളപായങ്ങളൊന്നുമില്ലെന്ന് ജില്ലാ പൊലിസ് മേധാവി അറിയിച്ചു.

---

12.10 PM

മരിച്ചത് 42 പേരെന്ന് മുഖ്യമന്ത്രി, വയനാട്ടില്‍ മാത്രം 11 പേർ

---

12.00 PM

പ്രത്യേക ട്രെയിന്‍ സര്‍വീസ്

ഇന്ന് ഉച്ചയ്ക്ക് 12.45ന് മംഗളൂരുവില്‍ നിന്ന് കോഴിക്കോട്ടേക്ക് പ്രത്യേക ട്രെയിന്‍ സര്‍വീസ് നടത്തും

---

Read more at: സംസ്ഥാനത്ത് 10 ട്രെയിനുകള്‍ റദ്ദാക്കി: ഇന്ന് റദ്ദാക്കിയ ട്രെയിനുകള്‍

---

ബാണാസുര സാഗര്‍ അണക്കെട്ടിന്റെ ഷട്ടര്‍ മൂന്നു മണിക്ക് തുറക്കും

ബാണാസുര സാഗര്‍ അണക്കെട്ടിന്റെ ഷട്ടര്‍ ഇന്ന് (10.8.2019) വൈകുന്നേരം മൂന്നു മണിക്ക് തുറക്കുമെന്ന് വയനാട് ജില്ലാ കലക്ടര്‍ അറിയിച്ചു. 8.5 ക്യുമെക്‌സ്, അതായത് ഒരു സെക്കന്റില്‍ 8500 ലിറ്റര്‍ വെള്ളം, എന്ന നിലയിലായിരിക്കും തുറക്കുന്നത്. പരിഭ്രാന്തരാവേണ്ട യാതൊരു ആവശ്യവും ഇല്ലെന്നും ബാണാസുര സാഗറിന്റെ ജലനിര്‍ഗ്ഗമന പാതയില്‍ താമസിക്കുന്നവര്‍ ജാഗ്രത പാലിക്കണമെന്നും ജില്ലാ കലക്ടര്‍ അറിയിച്ചു.

കര്‍ണ്ണാടകയിലെ കബിനി അണക്കെട്ടില്‍ നിന്ന് നിലവില്‍ പരമാവധി വെള്ളം തുറന്ന് വിടുന്നുണ്ട്. കഴിഞ്ഞ പ്രളയകാലത്ത് തുറന്ന് വിട്ടതിനേക്കാള്‍ അധികം ജലം ഈ വര്‍ഷം കബിനി അണക്കെട്ടില്‍ നിന്ന് തുറന്ന് വിടുന്നുണ്ട്. മൈസൂരു ജില്ലാ ഭരണകൂടവുമായി നിരന്തരം ബന്ധപ്പെട്ട് സ്ഥിതിഗതികള്‍ വിലയിരുത്തി ആവശ്യമായ നടപടികള്‍ കൈക്കൊള്ളുന്നുമുണ്ടെന്നും ജില്ലാ കലക്ടര്‍ അറിയിച്ചു.

---

രാഹുല്‍ ഗാന്ധി നാളെയെത്തും

സംസ്ഥാനത്ത് മഴയെത്തുടര്‍ന്ന് ദുരിതം ഏറ്റവും കൂടുതല്‍ ബാധിച്ച വയനാട്ടില്‍ ദുരിതാശ്വാസ പ്രവര്‍ത്തനത്തിനായി എം.പി കൂടിയായ രാഹുല്‍ ഗാന്ധി നാളെയെത്തും. രാഹുല്‍ ഗാന്ധിയുടെ മണ്ഡലം ഉള്‍പ്പെടുന്ന മലപ്പുറം, വയനാട് കലക്ടറേറ്റുകള്‍ കേന്ദ്രീകരിച്ചായിരിക്കും രാഹുല്‍ ഗാന്ധിയുടെ പ്രവര്‍ത്തനം.

---