കൊച്ചി: ഷൂട്ടിംഗ് ലൊക്കേഷനില്‍ വച്ച് പതിനേഴുകാരിക്ക് നേരെ നടന്ന ലൈംഗികാതിക്രമത്തെക്കുറിച്ച് വെളിപ്പെടുത്തല്‍ നടത്തിയ നടി രേവതിക്കെതിരെ പൊലിസിനു പരാതി.അഭിഭാഷകനായ ജിയാസ് ജമാലാണ് ആവശ്യവുമായി എറണാകുളം സെന്‍ട്രല്‍ പൊലിസിനെ സമീപിച്ചത്. പ്രായപൂര്‍ത്തിയാവാത്ത പെണ്‍കുട്ടിക്ക് നേരെയുണ്ടായ ലൈംഗികാതിക്രമം ഇത്രയും കാലം മറച്ചു വെച്ചതിന് രേവതിക്കെതിരെ കേസെടുക്കണമെന്നും സംഭവത്തില്‍ അന്വേഷണം വേണമെന്നും പരാതിയില്‍ പറയുന്നു.

ശനിയാഴ്ച്ച കൊച്ചിയില്‍ നടന്ന ഡബ്ലു.സി.സി വാര്‍ത്താസമ്മേളനത്തിനിടയിലാണ് വര്‍ഷങ്ങള്‍ക്ക് മുമ്പ് ഒരു സിനിമാ ഷൂട്ടിങിനിടെ ഒരു പെണ്‍കുട്ടിക്ക് മോശം അനുഭവം ഉണ്ടായ കാര്യം തനിക്ക് അറിയാമെന്ന് രേവതി വെളപ്പെടുത്തിയത്.തന്നെ രക്ഷിക്കണം എന്ന് ആവശ്യപ്പെട്ട് മുറിയില്‍ തട്ടി വിളിക്കുകയായിരുന്നുവെന്നായിരുന്നു വെളിപെടുത്തല്‍. ആ പെണ്‍കുട്ടിയുടെ അനുവാദം ഇല്ലാതെ കൂടുതല്‍ വിവരങ്ങള്‍ നല്‍കാനാവില്ലെന്നും രേവതി പറഞ്ഞിരുന്നു.