കുമളി: കുമളി-തേക്കടി റൂട്ടിലെ ഹോംസ്‌റ്റേയില്‍ മൂന്ന് പേരെ മരിച്ച നിലയില്‍ കണ്ടെത്തി. കഴിഞ്ഞ ഒരു മാസമായി ഇവിടെ താമസിക്കുന്ന ഒരു പുരുഷനും രണ്ട് സ്ത്രീകളെയുമാണ് തൂങ്ങി മരിച്ച നിലയില്‍ കണ്ടെത്തിയത്. ഇവിടെ നല്‍കിയ മേല്‍വിലാസപ്രകാരം മൂവരും തിരുവനന്തപുരം സ്വദേശികളാണ്. താന്റെ പേര് പ്രമോദ് പ്രകാശാണെന്നും(വിഷ്ണു) കൂടെയുള്ളത് ഭാര്യ ജീവയും അമ്മയുമാണെന്നാണ് ഇവര്‍ ഹോംസ്റ്റേ ഉടമയോട് പറഞ്ഞത്. തമിഴ്‌നാട്ടിലുള്ള ജീവയുടെ പേരിലെ ഭൂമിയുമായി ബന്ധപ്പെട്ട കാര്യങ്ങള്‍ക്കാണ് മൂവരും ഇവിടെ എത്തിയതെന്നാണ് സൂചന. ആത്മഹത്യയാണെന്നാണ് പ്രാഥമിക നിഗമനം. പൊലിസ് അന്വേഷണം ആരംഭിച്ചിട്ടുണ്ട്. ഹോംസ്‌റ്റേയില്‍ ഇവര്‍ നല്‍കിയ വിലാസം ഇങ്ങനെ... കരിക്കാട്ടുവിള വീട്, പെരുംകുഴി, ആഴൂര്‍, തിരുവനന്തപുരം