കോഴിക്കോട്: കേരളത്തിലെ ആദ്യത്തെ അക്കാദമിക്ക് ഹൈപര്‍മാര്‍ക്കറ്റായ എജ്യുമാര്‍ട്ടിന്റെ പത്താം വാര്‍ഷികത്തിന്റെയും നവീകരിച്ച ഷോറൂമിന്റെയും എജ്യുഷോപ്പിങ് ഫെസ്റ്റിവലിന്റെയും ഉദ്ഘാടനം മന്ത്രി ഡോ.കെ.ടി. ജലീല്‍ നിര്‍വഹിച്ചു. ഷോപ്പിങ് ഫെസ്റ്റിവലിന്റെ ഭാഗമായി ജാഫര്‍ഖാന്‍ കോളനി റോഡിലെ എജ്യുമാര്‍ട്ടില്‍ സ്‌കൂള്‍ സ്റ്റേഷനറി, അക്കാദമിക്ക് ബുക്ക്‌സ്, ലൈബ്രറി ബുക്ക്‌സ്, ലാബ് ഉപകരണങ്ങള്‍ എന്നിവ മിതമായ നിരക്കില്‍ ഒരുക്കിയിട്ടുണ്ട്. 4500 ചതുരശ്ര അടി വിസ്തീര്‍ണത്തിലാണ്  ഷോറൂം ഒരുക്കിയിരിക്കുന്നത്.  
  മുസ്തഫ കൂര്‍മത്ത് അധ്യക്ഷനായി. ഡോ.എം.കെ മുനീര്‍ എം.എല്‍.എ  മുഖ്യപ്രഭാഷണവും എസ്.എസ്.എല്‍.സി പരീക്ഷയില്‍ മികച്ച വിജയം കൈവരിച്ച വിദ്യര്‍ഥികള്‍ക്കുള്ള ഉപഹാരവും സമര്‍പ്പിച്ചു. സി.പി മുസാഫിര്‍, അദം മുല്‍സി, സാബിര്‍ പ്രസംഗിച്ചു. ഡയരക്ടര്‍ മൂജീബ് കൂര്‍മത്ത് സ്വാഗതവും ഹരിദാസ് നന്ദിയും പറഞ്ഞു.