ജിദ്ദ: സഊദിയും യു.എ.ഇയും തമ്മിലുള്ള പസ്പര ബന്ധം കൂടുതല്‍ ശക്തിപ്പെടുത്താന്‍ തീരുമാനം. സഊദി രാജാവ് സല്‍മാന്‍, അബുദാബി കിരീടാവകാശിയും യു.എ.ഇ ആംഡ് ഫോഴ്‌സസ് ഡെപ്യൂട്ടി കമാന്‍ഡറുമായ ഷെയ്ഖ് മുഹമ്മദ് ബിന്‍ സയീദ് അല്‍ നഹ്യാനും തമ്മില്‍ ചേര്‍ന്ന യോഗത്തിലാണ് തീരുമാനം. ജിദ്ദയിലാണ് ഇരുവരും കൂടിക്കാഴ്ച നടത്തിയത്. ലോകത്ത് നിലനില്‍ക്കുന്ന പല വെല്ലുവിളികളും നേരിടാന്‍ അറബ് രാജ്യങ്ങള്‍ ഒറ്റക്കെട്ടാകേണ്ടതിന്റെ ആവശ്യകത യോഗത്തില്‍ ചര്‍ച്ച ചെയ്തു. അന്താരാഷ്ട്ര തലത്തില്‍ സമാധാനം നിലനിര്‍ത്തുന്നതിന് വേണ്ട കാര്യങ്ങളും ചര്‍ച്ച ചെയ്തു. പലമേഖലയിലും രാജ്യങ്ങള്‍ നേരിടുന്ന വെല്ലുവിളികള്‍ പരിഹരിക്കാന്‍ ഇരു രാജ്യങ്ങളും പരസ്പര സഹകരണം വേണമെന്ന് ഷെയ്ഖ് മുഹമ്മദ് അഭിപ്രായപ്പെട്ടു.