ഷാജഹാന്‍പൂര്‍: നിര്‍മാണത്തിലിരുന്ന കെട്ടിടം തകര്‍ന്ന് നിരവധിപേര്‍ കുടങ്ങിയതായി വിവരം. തൊഴിലാളികള്‍ നിര്‍മാണത്തിലിരിക്കെയാണ് കെട്ടിടം തകര്‍ന്നുവീണതെന്ന് പൊലിസ് അറിയിച്ചു.
ഷാജഹാന്‍പൂര്‍ ജില്ലയില്‍ രാമചന്ദ്ര മിഷന്‍ പൊലിസ് സ്റ്റേഷനടുത്താണ് കെട്ടിടം തകര്‍ന്നുവീണത്. അപകടത്തില്‍ ആരെങ്കിലും മരിച്ചതായ വിവരമില്ലെന്ന് സബ്ഡിവിഷനല്‍ മജിസ്‌ട്രേറ്റ് രാംജി മിശ്ര പറഞ്ഞു.
തകര്‍ന്ന കെട്ടിടത്തിന്റെ അവശിഷ്ടത്തില്‍ നിന്ന് 12 പേരെ രക്ഷപ്പെടുത്തിയിട്ടുണ്ട്. എന്നാല്‍ എത്രപേര്‍ ഇതിനകത്തുണ്ടെന്ന കാര്യം വ്യക്തമല്ലെന്ന് പൊലിസ് അറിയിച്ചു.