മലപ്പുറം: കോട്ടക്കുന്നില്‍ ഉരുള്‍പൊട്ടലിനെ തുടര്‍ന്ന് മണ്ണിനടയില്‍പ്പെട്ടുപോയ അവസാന ആളുടെയും മൃതദേഹം ലഭിച്ചു. കോട്ടക്കുന്നില്‍ വാടകക്ക് താമസിച്ചിരുന്ന സരോജിനി(63)യുടെ മൃതദേഹമാണ് ലഭിച്ചത്. സരോജിനിയുടെ മകന്റെ ഭാര്യ ഗീതു(23), മകന്‍ ധ്രുവന്‍(ഒന്നര വയസ്സ്) എന്നിവരുടെ മൃതദേഹങ്ങള്‍ ഞായറാഴ്ച കണ്ടെത്തിയിരുന്നു.

വെള്ളിയാഴ്ചയാണ് ഇവിടെ ഉരുള്‍പൊട്ടിയത്. അപകടത്തിന്റെ സി.സി.ടി.വി ദൃശ്യങ്ങള്‍ മാധ്യമങ്ങളിലൂടെ പ്രചരിച്ചിരുന്നു. സരോജിനിയുടെ മകന്‍ അദ്ഭുതകരമായി രക്ഷപ്പെടുകയായിരുന്നു.