ചേര്‍ത്തല: മുതിര്‍ന്ന കോണ്‍ഗ്രസ് നേതാവ് വയലാര്‍ രവിയുടെ 80-ാം പിറന്നാള്‍ ജന്മനാടായ വയ ലാറില്‍ ആഘോഷിച്ചു.
വയലാറിലെ ദേവകി കൃഷ്ണന്‍ ഭവനിലെ മാതാപിതാക്കളുടെയും ഭാര്യ മേഴ്‌സി രവിയുടെയും സ്മൃതി മണ്ഡപത്തില്‍ രാവിലെ അദ്ദേഹം പുഷ്പാര്‍ച്ചന നടത്തി. തുടര്‍ന്ന് നാഗംകുളങ്ങര കവലയിലെ ദേവകി കൃഷ്ണന്‍ സ്മാരക മന്ദിരത്തില്‍ നടന്ന ചടങ്ങില്‍ പങ്കെടുത്ത് സഹപ്രവര്‍ത്തകരോടൊപ്പം കേക്ക് മുറിച്ചു. എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ എം.പി, കെ.പി.സി.സി സെക്രട്ടറി അബ്ദുള്‍ ഗഫൂര്‍, കെ.പി.സി.സി നിര്‍വാഹക സമിതി അംഗം എസ്. ശരത്, ഡി.സി.സി ജനറല്‍ സെക്രട്ടറിമാരായ കെ.ആര്‍ രാജേന്ദ്രപ്രസാദ്, മധു വാവക്കാട്, ടി.എച്ച് സലാം, ബ്ലോക്ക് പ്രസിഡന്റ് ജോണി തച്ചാറ, ടി.എസ് ബാഹുലേയന്‍ എന്നിവര്‍ പങ്കെടുത്തു.