ചാരുംമൂട്: താമരക്കുളം ഇരപ്പന്‍പാറ വെളളച്ചാട്ടവും പരിസരവും ഡി.വൈ.എഫ്.ഐ പ്രവര്‍ത്തകര്‍ മാലിന്യ വിമുക്തമാക്കി.
ഡി.വൈ.എഫ്.ഐ താമരക്കുളം മേഖലാ കമ്മിറ്റിയുടെ നേതൃത്വത്തിലാണ് ശുചീകരണ പ്രവര്‍ത്തനങ്ങള്‍ നടന്നത്.
ആരെയും ആകര്‍ഷിക്കുന്ന ഇരപ്പന്‍പാറയിലെ വെള്ളത്തില്‍ മാലിന്യങ്ങള്‍ കുന്നുകൂടിയിരുന്നു. മാത്രമല്ല പരിസരം കാടുകയറി കിടക്കുന്ന അവസ്ഥയിലുമാണ്.ഈ സാഹചര്യത്തിലാണ് ശുചീകരണ പ്രവര്‍ത്തനങ്ങള്‍ക്കു് പ്രവര്‍ത്തകര്‍ രംഗത്തിറങ്ങിയത്.വെളളച്ചാട്ടത്തിന്റെ ചുറ്റുപാടും സൗന്ദര്യവല്‍ക്കരിക്കാനും ആലോചനയുണ്ട്.മേഖലാ പ്രസിഡന്റ് പി.വി.വിനോദ് ,സെക്രട്ടറി ഷുക്കൂര്‍ ,വൈസ് പ്രസിഡന്റ് അനീഷ് കെ.കെ, യൂണിറ്റ് പ്രസിഡന്റ് യു. അഖില്‍ തുടങ്ങിയവര്‍ നേതൃത്വം നല്‍കി.