മാനന്തവാടി: ക്യാംപില്‍ പങ്കെടുത്ത് മടങ്ങവെ ഗോത്രവര്‍ഗ വിദ്യാര്‍ഥികള്‍ക്ക് കടന്നല്‍ കുത്തേറ്റു. പത്ത് വിദ്യാര്‍ഥികള്‍ക്കാണ് കുത്തേറ്റത്.
മാനന്തവാടി താഴയങ്ങാടിയില്‍ നീതി വേദി നടത്തിയ ക്യാംപില്‍ പങ്കെടുത്തു മടങ്ങവെ മാനന്തവാടി പൊലിസ് സ്റ്റേഷന് സമീപത്ത് വച്ചാണ് കുട്ടിക്കള്‍ക്ക് കടന്നല്‍ കുത്തേറ്റത്. കുട്ടികള്‍ കൂട്ടമായി നടന്നു വരുമ്പോള്‍ കുട്ടത്തില്‍പ്പെട്ട ഒരു കുട്ടി മുകളിലേക്കെറിഞ്ഞ കല്ല് അബദ്ധത്തില്‍ കടന്നല്‍കൂട്ടില്‍ ചെന്ന് പതിക്കുകയായിരുന്നു.
കടന്നല്‍ കുത്തേറ്റ കുട്ടികള്‍ക്ക് ജില്ലാ ആശുപത്രിയില്‍ പ്രാഥമിക ചികിത്സ നല്‍കി. കടന്നല്‍ കുത്തേറ്റത് ഗൗരവതരമല്ലന്നാണ് ആശുപത്രി അധികൃതര്‍ നല്‍കുന്ന സൂചന. ചിക്കാത്സക്ക് ശേഷം ഒരു മണിക്കുര്‍ നീരീക്ഷണത്തില്‍ വച്ചശേഷം കുട്ടികളെല്ലാവരും അവരവരുടെ വീടുകളിലേക്ക് മടങ്ങി.