മക്ക: വിശുദ്ധ ഹജ്ജ് കര്‍മത്തിനെത്തിയത് സഊദി ജയിലുകളില്‍ കഴിയുന്ന അന്‍പതിലേറെ തടവുകാര്‍. കുടുംബാംഗങ്ങള്‍ക്കൊപ്പം ഹജ്ജ് നിര്‍വഹിക്കുന്നതിനാണ് ഇവര്‍ക്ക് അവസരമൊരുക്കിയതെന്ന് ദേശീയ സുരക്ഷാ സേനാ വക്താവ് മേജര്‍ ജനറല്‍ ബസ്സാം അല്‍ അതിയ്യ പറഞ്ഞു. തടവുകാരെ തെറ്റു ബോധ്യപ്പെടുത്തുന്നതിനുള്ള പ്രിന്‍സ് മുഹമ്മദ് ബിന്‍ നായിഫ് കൗണ്‍സലിങ് സെന്ററില്‍നിന്ന് വിട്ടയച്ച തടവുകാര്‍ക്കും ബന്ധുക്കള്‍ക്കുമൊപ്പം സൗജന്യമായി ഹജ്ജ് നിര്‍വഹിക്കാന്‍ അവസരമൊരുക്കിയിരുന്നതായി ആഭ്യന്തര മന്ത്രാലയ വക്താവ് മേജര്‍ ജനറല്‍ മന്‍സൂര്‍ അല്‍തുര്‍ക്കി പറഞ്ഞു.