പുളിക്കല്‍: പി.ടി.എം.എ.എം.യു.പി സ്‌കൂളില്‍ ലീഡര്‍ തെരഞ്ഞെടുപ്പ് നടന്നത് പൊതു തെരഞ്ഞെടുപ്പ് മാതൃകയില്‍. തെരഞ്ഞെടുപ്പ് വിജ്ഞാപനം, നാമനിര്‍ദേശ പത്രികാ സമര്‍പ്പണം, സൂക്ഷ്മ പരിശോധന, ചിഹ്നം അനുവദിക്കല്‍, തെരഞ്ഞെടുപ്പ് പ്രചാരണം, സ്ഥാനാര്‍ഥി പര്യടനം, കലാശക്കൊട്ട്, തെരെഞ്ഞെടുപ്പ് തുടങ്ങിയവയെല്ലാം പാര്‍ലമെന്ററി മാതൃകയിലാണ് നടത്തിയത്.
വിവിധ ചിഹ്നങ്ങളുമായി മത്സരിച്ചതും പ്രിസൈഡിങ് ഓഫിസര്‍, ബൂത്ത് ഏജന്റ്, പൊലിസ്, പോളിങ് ഓഫിസര്‍ തുടങ്ങിയ പദവികള്‍ വഹിച്ചതും കുട്ടികളായിരുന്നു. പി.കെ മുഹമ്മദ് ഷാമില്‍ സ്‌കൂള്‍ ലീഡറായും കെ.എം ഫാത്തിമ റിഫ്‌വാന ഡെപ്യൂട്ടി ലീഡറായും തെരഞ്ഞെടുക്കപ്പെട്ടു.
പ്രധാനാധ്യാപകന്‍ പി.മുഹമ്മദ് മാസ്റ്റര്‍, അധ്യാപകരായ കെ.വി റിയാസ്, കെ.പി അബ്ബാസ്, പി.കെ ജലീല്‍, കെ.കെ ഉമ്മര്‍, കെ.എ ഉസ്മാന്‍, എന്‍.ആയിശ, എന്‍. ശ്രീവിദ്യ നേതൃത്വം നല്‍കി.