കൊടുങ്ങല്ലൂര്‍: നാട്ടുകാരുടെയും കൂട്ടുകാരുടെയും ഒത്തൊരുമയില്‍ സഹപാഠിക്കൊരു കൂട് പദ്ധതി തുടങ്ങി. ശൃംഗപുരം ഗവ. ഹയര്‍ സെക്കന്ററി സ്‌കൂളിലെ എന്‍.എസ്.എസ് യൂനിറ്റിന്റെ ഭവന നിര്‍മാണ പദ്ധതിയായ സഹപാഠിക്കൊരു കൂട് ആരംഭിക്കുന്നു. ഭവന നിര്‍മാണ പദ്ധതിയുടെ ഭാഗമായി ഗുണഭോക്താവായ വിദ്യാര്‍ഥിയുടെ ഇടിഞ്ഞു വിഴാറായ വീട് സഹപാഠികളും നാട്ടുകാരും ചേര്‍ന്ന് പൊളിച്ചു നീക്കി.
നഗരസഭ ചെയര്‍മാന്‍ സി.സി വിപിന്‍ചന്ദ്രന്‍, പി.ടി.എ പ്രസിഡന്റ് നവാസ് പടുവിങ്ങല്‍, എന്‍.എസ്.എസ് കോ ഓര്‍ഡിനേറ്റര്‍ നിസി മോള്‍, എസ്.എം.സി ചെയര്‍മാന്‍ എന്‍.വി ഉണ്ണികൃഷ്ണന്‍, ഷൈജു സേവ്യര്‍, വി.എസ് പ്രദീപ്, ദീപ നേതൃത്വം നല്‍കി. ഭവന നിര്‍മാണ പദ്ധതിയുടെ തറക്കല്ലിടല്‍ ചിങ്ങം ഒന്നിന് ഒന്നിന് നടക്കും. നഗരസഭ ചെയര്‍മാന്‍ സി.സി വിപിന്‍ചന്ദ്രന്‍ ചെയര്‍മാനും, പ്രിന്‍സിപ്പാള്‍ പി.കെ മോഹിനി കണ്‍വീനറുമായുള്ള കമ്മിറ്റി രൂപീകരിച്ച് പ്രവര്‍ത്തനമാരംഭിച്ചു.