ചെര്‍പ്പുളശ്ശേരി: 'നന്മ കൊണ്ട് നാടൊരുക്കാം വിദ്യ കൊണ്ട് കൂട് തീര്‍കാം' എന്ന പ്രമേയത്തില്‍ നടന്ന സമസ്ത കേരള സുന്നി ബാലവേദി പാലക്കാട് ജില്ലാ സമ്മേളനം സമാപിച്ചു. ചെര്‍പ്പുളശ്ശേരി സയ്യിദ് ഉമറലി ശിഹാബ് തങ്ങള്‍ നഗറില്‍ രാവിലെ 10ന് സമസ്ത കേന്ദ്ര മുശാവറ അംഗം ശൈഖുനാ നെല്ലായ കുഞ്ഞുമുഹമ്മദ് മുസ്‌ലിയാര്‍ പതാക ഉയര്‍ത്തി. ജില്ലയിലെ 42 റെയ്ഞ്ചുകളില്‍ നിന്നായി 2,500ഓളം വിദ്യാര്‍ഥികള്‍ അണിനിരന്ന വിദ്യാര്‍ഥി റാലി വൈകിട്ട് നാലിന് കച്ചേരിക്കുന്ന് അറബി തങ്ങള്‍ മഖാം സിയാറത്തോടെ ആരംഭിച്ച് ചെര്‍പ്പുളശ്ശേരി ടൗണില്‍ സമാപിച്ചു.
വൈകിട്ട് അഞ്ചിന് നടന്ന പൊതുസമ്മേളനം സി.കെ.എം സ്വാദിഖ് മുസ്‌ലിയാര്‍ ഉദ്ഘാടനം ചെയ്തു. എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ മുഖ്യ പ്രഭാഷണം നടത്തി. സി. മുഹമ്മദലി ഫൈസി കോട്ടോപ്പാടം, എസ്.കെ.എസ്.ബി.വി സംസ്ഥാന ജനറല്‍ സെക്രട്ടറി അഫ്‌സല്‍ രാമന്തളി, വി.എ.സി കുട്ടി ഹാജി പഴയ ലക്കിടി, സാദാ ലിയാഖതലി ഖാന്‍ ഹാജി കല്ലടിക്കോട്, മംഗലശ്ശേരി അബ്ദുഹാജി പൊട്ടച്ചിറ, മുഹമ്മദ് കുട്ടി മുസ്‌ലിയാര്‍ പന്തലുകന്ന്, മംഗലശ്ശേരി വീരാന്‍ ഹാജി പൊട്ടച്ചിറ, യൂസഫ് പത്തിരിപാല, കെ.പി.എ സമദ് മാസ്റ്റര്‍ പൈലിപ്പുറം, അന്‍വര്‍ സാദിഖ് ഫൈസി കാഞ്ഞിരപ്പുഴ, അലി അസ്‌കര്‍ കരിമ്പ, ഖാജാ ദാരിമി തൂത, അസീസ് ഫൈസി കുറ്റിക്കോട്, ഷെരീഫ് ദാരിമി, സുബൈര്‍ മൗലവി, കുഞ്ഞിമുഹമ്മദ് ഫൈസി മോളൂര്‍, സലാം അഷ്‌റഫി വിളത്തൂര്‍, മുഹ്‌സിന്‍ മഠത്തിപ്പറമ്പ്, ജലാല്‍ പറക്കാട്, ജുല്‍ഫര്‍ അലനല്ലൂര്‍, സ്വാലിഹ് തെങ്കര, മനാഫ് കൊട്ടോപ്പാടം, ഫാസില്‍ പട്ടാമ്പി, മുഷ്താഖ് കാഞ്ഞിരപുഴ, ഫൈസല്‍ ഫവാസ്, ഇര്‍ഷാദ് പാലക്കാട്, അമീന്‍ അല്‍ത്താഫ് കൊട്ടോപ്പാടം, സജാദ് പള്ളിപ്പുറം സംബന്ധിച്ചു. മുനാഫര്‍ ഒറ്റപ്പാലം സ്വാഗതവും അജ്മല്‍ ബീവിപ്പടി നന്ദിയും പറഞ്ഞു.