വാര്‍സോ: യുവേഫ നാഷന്‍സ് ലീഗ് ടൂര്‍ണമെന്റില്‍ ഇറ്റലിക്കും റഷ്യക്കും ജയം. തുടര്‍ച്ചയായ തിരിച്ചടികള്‍ക്കു ശേഷമാണ് ഇറ്റലി നാഷന്‍സ് ലീഗില്‍ അക്കൗണ്ട് തുറന്നത്. ഗ്രൂപ്പ് എയിലെ മൂന്നാം റൗണ്ടണ്ട് മത്സരത്തില്‍ പോളണ്ടണ്ടിനെയാണ് അസൂറിപ്പട എതിരില്ലാത്ത ഒരു ഗോളിനു മറികടന്നത്. ടൂര്‍ണമെന്റില്‍ ഇറ്റലിയുടെ ആദ്യ ജയം കൂടിയാണിത്. മത്സരം ഗോള്‍രഹിത സമനിലയില്‍ പിരിയാനിരിക്കെയാണ് ഇഞ്ചുറി ടൈമില്‍ ഇറ്റലിയുടെ വിജയ ഗോള്‍ പിറന്നത്. ഫിയൊറെന്റിന ഡിഫന്‍ഡര്‍ ക്രിസ്റ്റ്യാനോ ബിറാഗിയുടെ വകയായിരുന്നു അസൂറികളുടെ വിജയ ഗോള്‍.
ഒന്നാം പകുതിയില്‍ രണ്ടണ്ടു തവണ ഗോള്‍ നേടുന്നതിന് തൊട്ടരികിലെത്താന്‍ ഇറ്റലിക്കായെങ്കിലും നിര്‍ഭാഗ്യം തിരിച്ചടിയായി. ജോര്‍ജീഞ്ഞോയുടെയും ലോറെന്‍സോ ഇന്‍സൈനിന്റെയും ഗോള്‍ ശ്രമങ്ങള്‍ ക്രോസ് ബാറില്‍ തട്ടിത്തെറിക്കുകയായിരുന്നു. മറ്റു മത്സരങ്ങളില്‍ ഗ്രൂപ്പ് ബിയില്‍ റഷ്യ 2-0നു തുര്‍ക്കിയെയും ഗ്രൂപ്പ് സിയില്‍ മോണ്ടിനെഗ്രോ 4-1ന് ലിത്വാനിയയെയും ഇസ്‌റാഈല്‍ 2-0നു അല്‍ബേനിയയെയും പരാജയപ്പെടുത്തി. സെര്‍ബിയ റുമാനിയ മല്‍സരം ഗോള്‍രഹിതമായി അവസാനിക്കുകയായിരുന്നു. ഗ്രൂപ്പ് ഡിയില്‍ മാള്‍ട്ട- അസര്‍ബയ്ജാന്‍, കൊസോവോ ഫറോ ഐലാന്‍ഡ്‌സ് മല്‍സരങ്ങള്‍ 1-1നു സമനിലയില്‍ കലാശിച്ചു. അതേസമയം, ക്യാപ്റ്റനും ഇതിഹാസ താരവുായ ക്രിസ്റ്റ്യാനോ റൊണാള്‍ഡോ ഇല്ലാതെ ഇറങ്ങിയ യൂറോപ്യന്‍ ചാംപ്യന്‍മാരായ പോര്‍ച്ചുഗല്‍ സൗഹൃദ മല്‍സരത്തില്‍ തകര്‍പ്പന്‍ ജയം സ്വന്തമാക്കി. സ്‌കോട്ട്‌ലന്‍ഡിനെ ഒന്നിനെതിരേ മൂന്നു ഗോളുകള്‍ക്കാണ് പറങ്കിപ്പട കെട്ടുകെട്ടിച്ചത്. ഹെല്‍ഡര്‍ പോസ്റ്റിഗ, എഡെര്‍, ബ്രൂമ എന്നിവരാണ് പോര്‍ച്ചുഗലിന് വേണ്ടി ഗോളുകള്‍ സ്വന്തമാക്കിയത്.