പാങ്ങാപ്പാറ: തിരുവനന്തപുരത്ത് മണ്ണിടിഞ്ഞ് വീണ് നാല് മരണം. പാങ്ങാപ്പാറയിലാണ് അപകടം. ഫഌറ്റ് നിര്‍മാണത്തിനായി എടുത്ത കുഴി ഇടിഞ്ഞാണ് അപകടമുണ്ടായത്. മരിച്ച നാലു പേരില്‍ ഒരാള്‍ മലയാളിയാണ്. തിരുവനന്തപുരം സ്വദേശിയായ ഉണ്ണികൃഷ്ണന്‍ ആണ് മലയാളി. ബാക്കിയുള്ളവര്‍ ഇതര സംസ്ഥാന തൊഴിലാളികളാണ്. ബിഹാര്‍ സ്വദേശികളായ ഹര്‍ണാത് ബര്‍മന്‍, സപന്‍ ബര്‍മന്‍, ബംഗാളിയായ ജോണ്‍ എന്നിവരാണ് മരിച്ചത്.

അപകടത്തില്‍പ്പെട്ട വേങ്ങോട് സ്വദേശി സുദര്‍ശന്‍ പരുക്കുകളോടെ രക്ഷപ്പെട്ടു. ഇദ്ദേഹത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. കൂടുതല്‍ പേര്‍ മണ്ണിനടിയിലെന്ന് സംശയം. പ്രാഥമികാരോഗ്യകേന്ദ്രത്തിന്റെ സമീപമാണ് മണ്ണിടിഞ്ഞത്.