ചട്ടഞ്ചാല്‍: മത ഭൗതീക സമന്വയ വിദ്യാര്‍ഥികള്‍ സമൂഹ രംഗത്ത് ഇറങ്ങിച്ചെന്ന് പ്രവര്‍ത്തിക്കണമെന്ന് കീഴൂര്‍ മംഗലാപുരം സംയുക്ത ജമാഅത്ത് ഖാസിയും സമസ്ത കേന്ദ്ര മുശാവറംഗവും ജില്ലാ പ്രസിഡന്റും എം.ഐ.സി പ്രസിഡന്റുമായ ഖാസി ത്വാഖാ അഹ്മദ് മൗലവി പറഞ്ഞു. എം.ഐ.സി അര്‍ഷദുല്‍ ഉലൂം ദഅവാ കോളജ് വിദ്യാര്‍ഥി യൂനിയനായ എ.എസ്.യു വിന്റെ പ്രവൃത്തനോദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
അറിവിനോടൊപ്പം സംഘാടനാ രംഗത്ത് മികച്ച് നില്‍ക്കാനും സാമൂഹിക സേവനത്തിന് ഊന്നല്‍ നല്‍കണമെന്നും അദ്ദേഹം പറഞ്ഞു.
ദഅ്‌വാ കോളജ് പ്രിന്‍സിപ്പല്‍ ഡോ.സലീം നദ്‌വി അധ്യക്ഷനായി. യു.എം അബ്ദുറഹ്മാന്‍ മൗലവി, ടി.ഡി അഹ്മദ് ഹാജി, അബ്ദുല്‍ ഖാദര്‍ മദനി പള്ളങ്കോട്, മല്ലം സുലൈമാന്‍ ഹാജി, ഇബ്രാഹിം കുട്ടി ദാരിമി, അബ്ദുല്‍ ഖാദര്‍ ബാഖവി, അഡ്വ. സി.എന്‍ ഇബ്രാഹിം, സാലിഹ് മാസ്റ്റര്‍, സിറാജ് ഹുദവി, അസ്മത്തുള്ളാ ഹുദവി, ഷഫീഖ് ഹുദവി, ഹനീഫ് ഹുദവി തൊട്ടി, നവാസ് ഷരീഫ് ഹുദവി, സിദ്ധീഖ് ഹുദവി, സുഹൈല്‍ ഹുദവി, മുനവ്വിര്‍ കല്ലൂരാവി, സലീം ദേളി, സിദ്ധീഖ്, റംഷീദ് ഇ.കെ സംസാരിച്ചു