പട്ടാമ്പി: സിംഗപ്പൂര്‍ നാഷണല്‍ യൂണിവേഴ്‌സിറ്റിയില്‍ നവംബര്‍ 13, 14 തിയതികളില്‍ നടക്കുന്ന അന്താരാഷ്ട കോണ്‍ഫറെന്‍സില്‍ വിഷയാവതരണത്തിനു പട്ടാമ്പി കാരക്കാട് സ്വദേശി പി.എ അബ്ദുസമദിനു അവസരം ലഭിച്ചു. കാളികാവ് വാഫി ക്യാംപസിലെ ഏഴാം വര്‍ഷ വിദ്യാര്‍ഥിയാണ്. കാലിക്കറ്റ് യൂണിവേഴ്‌സിറ്റിയില്‍ നിന്നും ഇംഗ്ലീഷ് സാഹിത്യത്തില്‍ ബിരുദം കരസ്ഥമാക്കുകയും, ഡല്‍ഹിയിലെ ഇന്ദിരാഗാന്ധി നാഷണല്‍ യൂണിവേഴ്‌സിറ്റിയില്‍ ബിരുധാനാന്തര ബിരുദം നടത്തിക്കൊണ്ടിരിക്കുകയുമാണ്. വിവിധ രാഷ്ട്രങ്ങളിലെ വിദഗ്ധരും ഗവേഷകരും സംഗമിക്കുന്ന ാണ്‍ഫറെന്‍സിലാണ് അവസരം ലഭിച്ചത്. കൊള്ളിപ്പറമ്പ് പാറക്കല്‍ വീട്ടില്‍ അയ്യൂബിന്റെയും റംലത്തിന്റെയും മൂത്തമകനാണ്.