ഇരിങ്ങാലക്കുട: മാനസിക അസ്വാസ്ഥ്യമുള്ളയാളെ അടിച്ചു കൊന്ന കേസിലെ പ്രധാന പ്രതികളായ അച്ഛനും മകനും പിടിയില്‍.
പുല്ലൂര്‍ സ്വദേശികളായ മൂത്താരന്‍ വീട്ടില്‍ ശശി (54), മകന്‍ ശ്രീജിത്ത് (31) എന്നിവരാണ് ഇരിങ്ങാലക്കുട പൊലിസിന്റെ പിടിയിലായത്.
വാക്കുതര്‍ക്കത്തിനിടെ പ്രതികള്‍ വടി ഉപയോഗിച്ച് ചേര്‍പ്പന്‍കുന്ന് സ്വദേശി പാട്ടാളി ബാബുവിനെ (45)മര്‍ദിക്കുകയായിരുന്നു. കാലൊടിഞ്ഞ് തൂങ്ങി അബോധാവസ്ഥയില്‍ ആയതിനെ തുടര്‍ന്ന് തൃശൂര്‍ മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെയാണ് ബാബു മരണപ്പെട്ടത്.
ഒളിവിലായിരുന്ന പ്രതികള്‍ ജാര്‍ഖണ്ഡിലെ കല്‍ക്കരി ഖനിയില്‍ ജോലിക്ക് ശ്രമിക്കുന്നതിനിടയിലാണ് പ്രത്യേക അന്വേഷണ സംഘത്തിന്റെ പിടിയിലായത്.