കോവളം: ലോക കാഴ്ച ദിനത്തോടനുബന്ധിച്ച് വിഴിഞ്ഞം ലയണ്‍സ് ക്ലബിന്റെയും കോട്ടുകാല്‍ പഞ്ചായത്തിന്റെയും സംയുക്താഭിമുഖ്യത്തില്‍ സൗജന്യ നേത്ര പരിശോധനയും തിമിര ശസ്ത്രക്രിയാ ക്യാംപും നെയ്യാറ്റിന്‍കര നിംസ് മെഡിസിറ്റിയുടെ നേതൃത്വത്തില്‍ സൗജന്യ പ്രമേഹ നിര്‍ണയം, ഹൃദയ പരിശോധന, ദന്ത പരിശോധന, സൗജന്യ ഇ.സി.ജി എന്നിവയും നടത്തി.
ക്യാംപ് കോട്ടുകാല്‍ പഞ്ചായത്ത് പ്രസിഡന്റ് ടി. സജി ഉദ്ഘാടനം ചെയ്തു. വിഴിഞ്ഞം ലയണ്‍സ് ക്ലബ് പ്രസിഡന്റ് ആനന്ദ് രാജ് അധ്യക്ഷനായി. റീജിയന്‍ ചെയര്‍പേഴ്‌സണ്‍ വിനോദ് കുമാര്‍, പഞ്ചായത്തംഗങ്ങളായ ബിനു, അജിത കുമാരി, ചെയര്‍പേഴ്‌സണ്‍ അഭിലാഷ്, അനൂപ്, അരുണ്‍, സതീശന്‍, മനോഹരന്‍, റാഫി, യാസര്‍ അറാഫത്, കോവളം മോഹനന്‍, ദേവരാജന്‍ സംസാരിച്ചു.