തിരുവനന്തപുരം: കെ.എസ്.ആര്‍.ടി.സി റിസര്‍വേഷന്‍ കൗണ്ടര്‍ ജോലി കുടുംബശ്രീക്ക് ഏല്‍പ്പിക്കുന്നതിനായി അംഗങ്ങള്‍ക്കുള്ള പരിശീലനം കെ.എസ്.ആര്‍.ടി.സി നിര്‍ത്തിവച്ചു. കൗണ്ടര്‍ ജോലി കുടുംബശ്രീക്ക് ഏല്‍പ്പിക്കുന്നതുമായി ബന്ധപ്പെട്ട് കെ.എസ്.ആര്‍.ടി.സി തൊഴിലാളി സംഘടനകളുടെ സമരത്തെ തുടര്‍ന്നാണ് നടപടി.

സമരത്തെ തുടര്‍ന്ന് കോഴിക്കോട് മിന്നല്‍പണിമുടക്കാണ്. ഇതേ തുടര്‍ന്ന് നിരവധി സര്‍വീസുകള്‍ റദ്ദ് ചെയ്തു. കുടുംബശ്രീ അംഗങ്ങളെ റിസര്‍വേഷന്‍ കൗണ്ടര്‍ ജോലി ഏല്‍പ്പിക്കില്ലെന്ന് രേഖാമൂലം എഴുതി നല്‍കണമെന്നാണ്‌ തൊഴിലാളികളുടെ ആവശ്യം. പ്രശ്‌നപരിഹാരത്തിനായി തൊഴില്‍ - ഗതാഗതമന്ത്രിമാരുമായി തൊഴിലാളി യൂണിയനുകള്‍ ഇന്ന് ചര്‍ച്ച നടത്തും.