കോട്ടയം: കന്യാസ്ത്രീയെ പീഡിപ്പിച്ച കേസില്‍ ഫ്രാങ്കോ മുളയ്ക്കല്‍ ജയിലില്‍ നിന്നും പുറത്തിറങ്ങി. ഹൈക്കോടതി ജാമ്യം അനുവദിച്ച സാഹചര്യത്തിലാണ് പുറത്തിറങ്ങിയത്. പുറത്തിറങ്ങിയ ഫ്രാങ്കോ മുളയ്ക്കലിനെ സ്വീകരിക്കാന്‍ പൂഞ്ഞാര്‍ എം.എല്‍.എ പി.സി ജോര്‍ജും ബിഷപ്പിന്റെ ബന്ധുക്കളും സിസ്റ്റര്‍മാരുമടക്കമുള്ളവര്‍ പാലാ സബ് ജയിലിനു പുറത്ത് എത്തിയിരുന്നു.

ജാമ്യം അനുവദിച്ചുകൊണ്ട് കഴിഞ്ഞ ദിവസം ഹൈക്കോടതി ഉത്തരവിട്ടിരുന്നു. ഈ ഉത്തരവ് കിട്ടാന്‍ വൈകിയതിനെ തുടര്‍ന്നാണ് ബിഷപ്പിന് ജയിലിനു പുറത്തിറങ്ങാന്‍ വൈകിയത്.