തൃശൂര്‍: മുഹമ്മദ് അബ്ദുറഹ്മാന്‍ സാഹിബ് ദേശീയ പുരസ്‌കാരം എം.ഇ.എസ് പ്രസിഡന്റ് ഡോ. പി.എ ഫസല്‍ ഗഫൂറിന്. വിദ്യാഭ്യാസരംഗത്ത് അദ്ദേഹം നല്‍കിയ സംഭാവനകള്‍ പരിഗണിച്ചാണ് അവാര്‍ഡ് നല്‍കുന്നത്. ഡോ. എം.എന്‍ കാരശ്ശേരി, കെ.എല്‍ മോഹനവര്‍മ, ഡോ. ഹാഫിസ് മുഹമ്മദ് എന്നിവരടങ്ങിയ ജഡ്ജിങ് കമ്മിറ്റിയാണ് അവാര്‍ഡ് ജേതാവിനെ തെരഞ്ഞെടുത്തത്.ഫലകവും പ്രശസ്തിപത്രവും അടങ്ങുന്ന പുരസ്‌കാരം ഡിസംബര്‍ രണ്ടാംവാരം കൊടുങ്ങല്ലൂരില്‍ നടക്കുന്ന മുഹമ്മദ് അബ്ദുറഹ്മാന്‍ സാഹിബിന്റെ 120-ാം ജന്മദിനത്തില്‍ സമ്മാനിക്കും. വാര്‍ത്താസമ്മേളനത്തില്‍ ഫൗണ്ടേഷന്‍ ചെയര്‍മാന്‍ ഇ.കെ സോമന്‍, ജനറല്‍ സെക്രട്ടറി അബ്ദുറഹ്മാന്‍ കടപ്പൂര്, സെക്രട്ടറി ടി.എം കുഞ്ഞുമൊയ്തീന്‍ പങ്കെടുത്തു.