മാഡ്രിഡ്: ലാലിഗ സീസണ് തുടക്കമായി. നിലവിലെ ചാംപ്യന്‍മാരായ ബാഴ്‌സലോണ തോല്‍വിയോടെയാണ് സീസണ്‍ തുടങ്ങിയത്. അത്‌ലറ്റിക്കോ ബില്‍ബാവോയോട് എതിരില്ലാത്ത ഒരു ഗോളിനായിരുന്നു ബാഴ്‌സലോണ പരാജയപ്പെട്ടത്.
ബില്‍ബാവോയുടെ ഹോം ഗ്രൗണ്ടില്‍ നടന്ന മത്സരത്തില്‍ ബാഴ്‌സക്ക് നിരവധി ഗോളവസരങ്ങള്‍ ലഭിച്ചെങ്കിലും മുതലാക്കാനായില്ല. മത്സരം സമനിലയില്‍ അവസാനിക്കുമെന്ന് തോന്നുന്നതിനിടെ 89-ാം മിനുട്ടില്‍ ആര്‍ടിസ് അഡുറിസിന്റെ വകയായിരുന്നു വിജയഗോള്‍. വലത് കോര്‍ണറില്‍ നിന്ന് വന്ന ക്രോസ് മനോഹരമായി ബൈസിക്കിള്‍ കിക്കിലൂടെയായിരുന്നു ആര്‍ടിസ് വലയിലെത്തിച്ചത്. ഇതോടെ സീസണിലെ ആദ്യ ഗോളിന് അവകാശിയാകാനും ആര്‍ടിസിനായി. 73 ശതമാനവും ബാഴ്‌സലോണയുടെ കൈവശമായിരുന്നു പന്ത് ഉണ്ടായിരുന്നത്.എന്നാലും ബാഴ്‌സലോണന്‍ മുന്നേറ്റ താരമായ ഗ്രീസ്മാനും സുവാരസിനും ലക്ഷ്യം കണ്ടെത്താനായില്ല.