ഷിംല: സര്‍ക്കാര്‍ ആശുപത്രിയില്‍ ഡ്യൂട്ടിക്കെത്താതെ സ്വകാര്യ പ്രാക്ടീസ് നടത്തിയ ഏഴ് ഡോക്ടര്‍മാരെ സസ്‌പെന്‍ഡ് ചെയ്തു. ഡ്യൂട്ടി സമയത്താണ് ഈ ഡോക്ടര്‍മാര്‍ സ്വകാര്യ പ്രാക്ടീസ് നടത്തിയിരുന്നത്. ആശുപത്രിയിലെത്താതെ അനധികൃതമായി അവധിയെടുക്കുകയുംസ്വകാര്യ പ്രാക്ടീസ് ചെയ്യുന്നുവെന്ന് കണ്ടെത്തിയതിനാലുമാണ് ഇവരെ സസ്‌പെന്‍ഡ് ചെയ്തതെന്ന് സംസ്ഥാന ആരോഗ്യമന്ത്രി കൗള്‍ സിങ് താക്കൂര്‍ അറിയിച്ചു. സംസ്ഥാനത്തെ ഏതാനും ഡോക്ടര്‍മാര്‍കൂടി നിരീക്ഷണത്തിലാണ്.