റിയാദ്: സഊദി പ്രതിരോധ സേനയിലെ എയര്‍ഫോഴ്‌സ് വിഭാഗത്തിന്റെ സൈനിക വിമാനം തകര്‍ന്നുവീണ് വിമാനത്തിലുണ്ടായിരുന്ന മുഴുവന്‍പേരും കൊല്ലപ്പെട്ടു. രാജ്യത്തിന്റെ വടക്കുപടിഞ്ഞാര്‍ ഭാഗത്ത് തിങ്കളാഴ്ച ഉച്ചയ്ക്കാണ് അപകടമുണ്ടായത്. ബ്രിട്ടന്‍ നിര്‍മിതമായ ഹാവ്ക് ഇനത്തില്‍പ്പെട്ട വിമാനമാണ് അപകടത്തില്‍പ്പെട്ടത്. വിമാനത്തിലുണ്ടായിരുന്ന മുഴുവന്‍ പേരും കൊല്ലപ്പെട്ടതായി സഊദി പ്രതിരോധസേന അറിയിച്ചുവെങ്കിലും എത്ര പേരാണ് ഇതില്‍ ഉണ്ടായിരുന്നതെന്ന് വ്യക്തമല്ല. അപകടത്തിന്റെ കാരണവും അവ്യക്തമാണ്.