കോട്ടയം: ബി.ജെ.പി ദേശീയ അധ്യക്ഷന്‍ അമിത് ഷായുടെ കേരളാ സന്ദര്‍ശനത്തിന്റെ പേരില്‍ ഭയപ്പെടാനൊന്നുമില്ലെന്ന് കേരളാ കോണ്‍ഗ്രസ് (എം) ചെയര്‍മാന്‍ കെ.എം മാണി.
അമിത് ഷാ കേരളാ കോണ്‍ഗ്രസ് ഉള്‍പ്പെടെയുള്ള കക്ഷികളെ ആകര്‍ഷിക്കണമെന്ന് സംസ്ഥാന നേതൃത്വത്തോട് നിര്‍ദേശിച്ചതായുള്ള റിപ്പോര്‍ട്ടുകള്‍ക്കിടെയാണ് മാണിയുടെ പ്രതികരണം. അമിത് ഷാ വന്നതുകൊണ്ട് ഒരു രാഷ്ട്രീയ മാറ്റവും കേരളത്തില്‍ സംഭവിക്കില്ല. അമിത് ഷാ ചര്‍ച്ചയ്ക്കു ക്ഷണിച്ചിരുന്നില്ല.
ഏത് മുന്നണിയില്‍ നില്‍ക്കണമെന്ന് തങ്ങള്‍ തീരുമാനിക്കും. അദ്ദേഹത്തിന് എവിടെ പോകാനും ആരുമായും ചര്‍ച്ച നടത്താനും സ്വാതന്ത്ര്യമുണ്ടെന്നും മാണി പറഞ്ഞു.