ജിദ്ദ: ഹജ്ജ് തീര്‍ഥാടകരുടെ എമിഗ്രേഷന്‍ നടപടിക്രമങ്ങള്‍ വിമാനത്താവളങ്ങളിലേക്ക് പുറപ്പെടുന്നതിനു മുന്‍പുതന്നെ പൂര്‍ത്തിയാക്കാം. പദ്ധതി ഈവര്‍ഷം മുതല്‍ നടപ്പിലാക്കും. ഇന്ത്യ ഉള്‍പ്പെടെ മൂന്നു രാജ്യങ്ങളില്‍നിന്നുള്ള തീര്‍ഥാടകര്‍ക്കാണ് പദ്ധതിയുടെ ഗുണം ലഭിക്കുക.
ഹജ്ജ് കര്‍മങ്ങള്‍ പൂര്‍ത്തിയാക്കി നാട്ടിലേക്ക് മടങ്ങുന്ന തീര്‍ഥാടകര്‍ക്ക് താമസസ്ഥലങ്ങളില്‍ വച്ചുതന്നെ ഇമിഗ്രേഷന്‍ നടപടികള്‍ പൂര്‍ത്തിയാക്കാനുള്ള സൗകര്യമാണ് സഊദിയിലെ ജനറല്‍ അതോറിറ്റി ഓഫ് സിവില്‍ എവിയേഷന്‍ ഏര്‍പ്പെടുത്തിയിരിക്കുന്നത്.
സൗകര്യം ലഭിക്കുന്ന തീര്‍ഥാടകര്‍ക്ക് ജിദ്ദയിലും മദീനയിലുമുള്ള വിമാനത്താവളങ്ങളില്‍ എത്തിയാല്‍ നേരിട്ട് ഡിപ്പാര്‍ച്ചര്‍ ലോഞ്ചിലേക്ക് പ്രവേശിക്കാം.
താമസസ്ഥലങ്ങളില്‍ വച്ചുതന്നെ ബാഗേജുകള്‍ സ്വീകരിക്കുകയും ബോര്‍ഡിങ് പാസ് നല്‍കുകയും ചെയ്യും.
ഇയാബ് ഇനീഷ്യേറ്റീവ് എന്നാണ് ഈ സേവനത്തിന്റെ പേര്. പരീക്ഷണാടിസ്ഥാനത്തില്‍ നടപ്പിലാക്കുന്ന ഈ പദ്ധതിയുടെ ഗുണം ഈവര്‍ഷം മുപ്പതിനായിരം തീര്‍ഥാടകര്‍ക്ക് ലഭിക്കും.
ഇന്ത്യ, ഇന്തോനേഷ്യ, മലേഷ്യ എന്നീ മൂന്നു രാജ്യങ്ങളിലുള്ളവര്‍ക്കാണ് ഈ വര്‍ഷം ഇയാബ് സേവനം ലഭിക്കുക.
വരും വര്‍ഷങ്ങളില്‍ എല്ലാ രാജ്യങ്ങളില്‍ നിന്നുള്ളവര്‍ക്കും ഈ സൗകര്യം ലഭിക്കുമെന്ന് അതോറിറ്റി മേധാവി അബ്ദുല്‍ ഹാദി അല്‍ മന്‌സൂരി പറഞ്ഞു. തീര്‍ഥാടകര്‍ ഹജ്ജിന് പുറപ്പെടുന്ന രാജ്യങ്ങളില്‍ വച്ച് തന്നെ സഊദിയുടെ ഇമിഗ്രേഷന്‍ നടപടികള്‍ പൂര്‍ത്തിയാക്കുന്ന മക്ക റൂട്ട് ഇനീഷ്യേറ്റീവും നേരത്തെ സഊദി നടപ്പിലാക്കിയിട്ടുï്.
അഞ്ച് രാജ്യങ്ങളില്‍ നിന്നുള്ള രïേകാല്‍ ലക്ഷം തീര്‍ഥാടകര്‍ ഈവര്‍ഷം സേവനം പ്രയോജനപ്പെടുത്തി.
ഹജ്ജിനെത്തിയ ഈ തീര്‍ഥാടകര്‍ സഊദിയില്‍ വിമാനമിറങ്ങി ആഭ്യന്തര യാത്രക്കാരെ പോലെ പുറത്തിറങ്ങുകയായിരുന്നു.