കൊല്ലം: ആയിരം കോടതിവിധികള്‍ വന്നാലും ശബരിമലയുടെ പരിശുദ്ധി തകര്‍ക്കാന്‍ ആവില്ലെന്നും ജീവന്‍ ത്യജിച്ചും ശബരിമലയെ സംരക്ഷിക്കുമെന്നും തിരുവിതാംകൂര്‍ ദേവസ്വം ബോര്‍ഡ് മുന്‍ പ്രസിഡന്റ് പ്രയാര്‍ ഗോപാലകൃഷ്ണന്‍ പറഞ്ഞു.
തൃക്കരുവ അയ്യപ്പ ഭക്തജന കൂട്ടായ്മയുടെ ആഭിമുഖ്യത്തില്‍ പ്രാക്കുളം ശ്രീഗോസ്തലക്കാവ് ദേവീക്ഷേത്രത്തില്‍ നിന്നും ആരംഭിച്ച് അഞ്ചാലുംമൂട്ടില്‍ സമാപിച്ച നാമജപ ഘോഷയാത്രയുടെ സമാപനസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കേരളത്തിലെ ലക്ഷകണക്കിനു വരുന്ന അയ്യപ്പഭക്തര്‍ സ്വന്തം ജീവന്‍ ത്വജിച്ചും ശബരിമലയില്‍ നൂറ്റാണ്ടുകളായി ആചരിച്ചുവരുന്ന ആചാരാനുഷ്ഠാനങ്ങള്‍ കാത്തുരക്ഷിക്കുന്നതിനുളള ധാര്‍മിക പോരാട്ടത്തില്‍ അണിനിരക്കും.സുപ്രീം കോടതി വിധി മറികടക്കുന്നതിന് കേന്ദ്ര-സംസ്ഥാന സര്‍ക്കാരുകള്‍ നിയമനിര്‍മാണം നടപ്പാക്കണമെന്നും അദ്ദേഹം ആവ്യപ്പെട്ടു. ചടങ്ങില്‍ തൃപ്പനയം ദേവീക്ഷേത്രം പ്രസിഡന്റ് സി.കെ. ചന്ദ്രബാബു അധ്യക്ഷനായി.