പാരിസ്: സാന്‍ഡ്‌വിച്ച് കൊടുക്കാന്‍ വൈകിയതിന് ഉപഭോക്താവ് വെയിറ്ററെ വെടിവച്ചു കൊന്നു. പാരീസിലെ നോയിസിലെഗ്രാന്‍ഡിലുള്ള ഒരു പിസാ ഷോപ്പിലാണ് സംഭവം നടന്നത്. 28കാരനായ വെയിറ്റര്‍ സംഭവസ്ഥലത്തുവച്ചുതന്നെ മരിച്ചു.സാന്‍ഡ്‌വിച്ച് ലഭിക്കാന്‍ വൈകിയതോടെ ദേഷ്യം അടക്കാനാവാതെ അക്രമി കൈതോക്കു കൊï് വെയിറ്ററെ വെടിവയ്ക്കുകയായിരുന്നെന്ന് ദൃക്‌സാക്ഷി പറഞ്ഞു.
കൃത്യം നടന്നയുടന്‍ പ്രതി ഓടി രക്ഷപ്പെട്ടു.പൊലിസ് കൊലപാതകത്തിന് കേസെടുത്തു.
ഏതാനും മാസം മുമ്പ് തുറന്ന ഷോപ്പാണ് അതെന്നും ആദ്യമായാണ് പ്രദേശത്ത് ഇത്തരമൊരു സംഭവം നടക്കുന്നതെന്നും പ്രദേശവാസികള്‍ പറഞ്ഞു.
അതേസമയം ഇവിടെ മദ്യപാനവും മയക്കുമരുന്നുപയോഗവും അതുമൂലമുള്ള അക്രമങ്ങളും കൂടുതലാണെന്നും വേറെ ചിലര്‍ അഭിപ്രായപ്പെട്ടു.