കൊട്ടാരക്കര: പട്ടാപകല്‍ യുവതിയെ കടന്ന് പിടിച്ച യുവാവും കൂട്ടാളിയും അറസ്റ്റില്‍. കരീപ്ര നെടുമണ്‍കാവ് ആയികുന്നില്‍ കിഴക്കേതില്‍ വീട്ടില്‍ അജേഷ് (21), കരീപ്ര സ്വദേശിയായ പതിനേഴുകാരന്‍ എന്നിവരെയാണ് കൊട്ടാരക്കര പൊലിസ് അറസ്റ്റ് ചെയ്തത്.
കഴിഞ്ഞ ദിവസം ഉച്ചയ്ക്ക് 12ഓടെയായിരുന്നു സംഭവം. കൊട്ടാരക്കര പുലമണ്‍ ഫെയ്ത്‌ഹോമിന് സമീപമുള്ള ഇടവഴിയിലൂടെ നടന്ന് പോവുകയായിരുന്ന യുവതിയെയാണ് ബൈക്കിലെത്തിയ യുവാവ് കടന്ന് പിടിച്ചത്. പ്രായ പൂര്‍ത്തിയാകാത്ത പ്രതി ആയിരുന്നു ബൈക്ക് ഓടിച്ചിരുന്നത്. ബൈക്കിന്റെ പുറകിലിരുന്ന യുവാവ് അജേഷാണ് തന്നെ കടന്ന് പിടിച്ചതെന്ന് യുവതി പൊലീസിന് നല്‍കിയ പരാതിയില്‍ പറയുന്നു . കൊട്ടാരക്കര കോടതിയില്‍ ഹാജരാക്കിയ പ്രതി അജേഷിനെ റിമാന്‍ഡ് ചെയ്തു. പ്രായപൂര്‍ത്തിയാകാത്ത പ്രതിയെ ജുവനൈല്‍ കോടതിയില്‍ ഹാജരാക്കി.