ന്യൂഡല്‍ഹി: ജെ.എന്‍.യുവിന്റെ പേരു മാറ്റി അതിന് നരേന്ദ്രമോദിയുടെ പേരിടണമെന്ന് ബി.ജെ.പി എം.പി. നോര്‍ത്ത് വെസ്റ്റ് ഡല്‍ഹിയില്‍ നിന്നുള്ള ബി.ജെ.പി എം.പി ഹാന്‍സ് രാജ് ഹന്‍സാണ് ഈ ആവശ്യം ഉന്നയിച്ചിരിക്കുന്നത്. ജവഹര്‍ലാല്‍ നെഹ്‌റു യൂനിവേഴ്‌സിറ്റി എന്ന പേര് മാറ്റി മോദി നരേന്ദ്ര യൂനിവേഴ്‌സിറ്റി എന്നാക്കണമെന്നാണ് ആവശ്യം.
സര്‍വകലാശാലയില്‍ ഒരു ചടങ്ങില്‍ സംസാരിക്കുകയായിരുന്നു സംഗീതജ്ഞന്‍ കൂടിയായ ഹാന്‍സ് രാജ് ഹന്‍സ്. കശ്മിരിന് സ്വയംഭരണാവകാശം നല്‍കാനുള്ള ജവഹര്‍ലാല്‍ നെഹ്‌റുവിന്റെ തീരുമാനം തെറ്റായിരുന്നുവെന്നും ഹാന്‍സ് രാജ് ഹന്‍സ് പറഞ്ഞു.