ചെറുതോണി: ഓട്ടോറിക്ഷയില്‍ രഹസ്യ അറ ഉണ്ടാക്കി മദ്യം സൂക്ഷിച്ച് വില്‍പ്പന നടത്തിയ ഓട്ടോ ഡ്രൈവറെ ഇടുക്കി എക്‌സൈസ് എന്‍ഫോഴ്‌സ്‌മെന്റ് ആന്റി നാര്‍ക്കോട്ടിക്ക് സ്‌ക്വാഡ് പിടികൂടി. ചെറുതോണി സ്വദേശി പടിഞ്ഞാറേശേരിയില്‍ സരസന്‍ ആണ് പിടിയിലായത്.
ഏറെ കാലമായി ചെറുതോണി മേഖലയില്‍ ഓട്ടോറിക്ഷയില്‍ കൊണ്ടു നടന്ന് അനധികൃത മദ്യ വില്‍പ്പന നടത്തിവരുകയായിരുന്നു. ഓട്ടോറിക്ഷയുടെ സൈഡില്‍ രഹസ്യ അറ നിര്‍മിച്ച് അതിനുള്ളിലാണ് ഇയാള്‍ മദ്യം സൂക്ഷിച്ചിരുന്നത്.
സ്‌പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ ജോജു പി. ജോസിന്റെ നേതൃത്വത്തില്‍ എക്‌സൈസ് ഓഫിസര്‍മാരായ വിനോദ് ടി.കെ, റെജി ജോര്‍ജ് ,മനോജ് മാത്യൂ, സിജുമോന്‍ കെ.എന്‍, അനൂപ് തോമസ്, സുനില്‍ കുമാര്‍ സി.സി വനിതാ സിവില്‍ ഓഫിസര്‍ ചിത്രാ ഭായി എന്നിവര്‍ ചേര്‍ന്നാണ് പ്രതിയെ പിടികൂടിയത്. ഇയാളില്‍ നിന്നും അഞ്ച് ലിറ്റര്‍ വിദേശമദ്യം കണ്ടെടുത്തു.