ന്യൂഡല്‍ഹി:മധ്യപ്രദേശില്‍ കര്‍ഷക പ്രക്ഷോഭത്തിന് നേരെ പൊലിസ് വെടിയുതിര്‍ത്തു. നാലു പേര്‍ക്ക് പരുക്കേറ്റു. പടിഞ്ഞാറന്‍ മധ്യപ്രദേശിലെ മന്‍ദ്സോറിലാണ് സംഭവം. 

പച്ചക്കറികളുടേയും പഴങ്ങളുടേയും സംഭരണവില വര്‍ധിപ്പിക്കണമെന്നാവശ്യപ്പെട്ടാണ് കര്‍ഷകര്‍ സമരം നടത്തിയിരുന്നത്. 

ഇന്‍ഡോര്‍, ഉജ്ജയിന്‍, ദേവാസ് എന്നിങ്ങനെ വിവിധ പ്രദേശങ്ങളില്‍ ഇന്റര്‍നെറ്റ് സൗകര്യം താല്‍ക്കാലികമായി നിര്‍ത്തിവെച്ചു.

പ്രക്ഷോഭകര്‍ വാഹനങ്ങള്‍ക്ക് തീവെക്കുകയും പൊലിസിന് നേരെ കല്ലെറിയുകയും കച്ചവട സ്ഥാപനങ്ങള്‍ കൊള്ളയടിക്കുകയും ചെയ്തു.