മലപ്പുറം: ഫ്യുവല്‍ ചാലഞ്ച് കാംപയിനുമായി മാധ്യമപഠന വിദ്യാര്‍ഥികള്‍. വള്ളുവമ്പ്രം എം.ഐ.സി ആര്‍ട്‌സ് ആന്‍ഡ് സയന്‍സ് കോളജിലെ മാസ് കമ്മ്യൂണിക്കേഷന്‍ ഡിപ്പാര്‍ട്ട്‌മെന്റിന്റെ കീഴിലെ വിദ്യാര്‍ഥികളാണ് ഇന്ധന വിലവര്‍ധനവിനെതിരേ വ്യത്യസ്ഥ പ്രതിഷേധവുമായി രംഗത്തുവന്നത്.
കോളജിലെ വിദ്യാര്‍ഥികളുടെയും അധ്യാപകരുടെയുമടക്കം വാഹനങ്ങളുടെ ഇന്ധന ടാങ്കിനു മുകളില്‍ 'ഇന്ത്യ തിളങ്ങുന്നു; ഓരൊ ലിറ്ററിലും..' എന്ന ടാഗ് ലൈന്‍ പ്രിന്റ് ചെയ്ത സ്റ്റിക്കര്‍ ഒട്ടിക്കുകയാണ് കാംപയിന്റെ ഭാഗമായി ചെയ്തത്.
ടാഗ് ലൈന്‍ തയാറാക്കിയ മാസ്‌കമ്മ്യൂണിക്കേഷന്‍ അവസാനവര്‍ഷ വിദ്യാര്‍ഥി അമീനു സമ്മാനമായ 'ഒരു ലിറ്റര്‍ പെട്രോള്‍' പ്രിന്‍സിപ്പല്‍ ഡോ. ഉസ്മാന്‍ കൈമാറി. വകുപ്പ് മേധാവി കെ. മൃദുല, വിദ്യാര്‍ഥി പ്രതിനിധി സഫീര്‍ നേതൃത്വം നല്‍കി.