മട്ടന്നൂര്‍: കണ്ണൂര്‍ വിമാനത്താവളത്തില്‍ വന്‍ സ്വര്‍ണവേട്ട. എട്ട് കിലോ തൂക്കം വരുന്ന സ്വര്‍ണമാണ് മൂന്ന്‌പേരില്‍ നിന്നായി പിടിച്ചെടുത്തത്. ഇവയ്ക്ക് മൂന്ന് കോടിയോളം രൂപ വിലവരും. പാനൂര്‍ സ്വദേശികള്‍ ഉള്‍പ്പെടെയുള്ളവരില്‍ നിന്നാണ് സ്വര്‍ണം പിടിച്ചെടുത്തത്.
രഹസ്യവിവരത്തെ തുടര്‍ന്ന് ഡി.ആര്‍.ഐ കൊച്ചി, കോഴിക്കോട്, കണ്ണൂര്‍ യൂനിറ്റുകള്‍ സംയുക്തമായി നടത്തിയ പരിശോധനയിലാണ് സ്വര്‍ണം പിടികൂടിയത്. ഇവരെ ഡി.ആര്‍.ഐ കസ്റ്റഡിയിലെടുത്ത് ചോദ്യം ചെയ്തുവരികയാണ്.
തിങ്കളാഴ്ച പുലര്‍ച്ചെയും രാവിലെയുമായി ദുബൈ, ഷാര്‍ജ എന്നിവിടങ്ങളില്‍ നിന്നെത്തിയ വിമാനയാത്രക്കാരില്‍ നിന്നാണ് സ്വര്‍ണം കണ്ടെടുത്തത്. പുലര്‍ച്ചെ ദുബൈയില്‍ നിന്നു ഗോ എയര്‍ വിമാനത്തിലെത്തിയ പാനൂര്‍ സ്വദേശിയില്‍ നിന്നും 2,900 കിലോഗ്രാം സ്വര്‍ണവും രാവിലെ ഒമ്പതിന് ഷാര്‍ജയില്‍ നിന്നെത്തിയ എയര്‍ ഇന്ത്യ എക്സ്പ്രസ് വിമാനയാത്രക്കാരായ രണ്ടുപേരില്‍ നിന്നാണ് സ്വര്‍ണം പിടികൂടിയത്.