പഴയങ്ങാടി. കോണ്‍ഗ്രസിന്റെ ശക്തികേന്ദ്രമായമായ മാടായിയില്‍ മാടായി സര്‍വിസ് ബാങ്ക് നിയമനവുമായി ബന്ധപ്പെട്ട വിഷയത്തില്‍ പ്രതിഷേധിച്ച് യൂത്ത് കോണ്‍ഗ്രസ് കല്യാശ്ശേരി ബ്ലോക്ക് സെക്രട്ടറി മടപ്പളളി പ്രമോദ് സ്ഥാനം രാജിവച്ചു. പ്രസിഡന്റ് എം.വി മനോജിനാണ് രാജിക്കത്ത് നല്‍കിയത്. മണ്ഡലത്തിലെ നേതൃത്വത്തേയും യൂത്ത് കോണ്‍ഗ്രസ് മണ്ഡലംതല നേതൃത്വത്തേയും അറിയിക്കാതെ നടത്തിയ നിയമനത്തില്‍ പ്രതിഷേധിച്ചാണ് രാജിവച്ചതെന്ന് മടപ്പളളി പ്രമോദ് പ്രസ്താവനയില്‍ പറഞ്ഞു.