കളമശ്ശേരി: 'ഫാസിസത്തിന് മാപ്പില്ല നീതിനിഷേധം നടപ്പില്ല' എന്ന മുദ്രാവാക്യവുമായി 12ന് എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ നടക്കുന്ന കരിപ്പൂര്‍ എയര്‍പോര്‍ട്ട് മാര്‍ച്ചിന്റെ ഭാഗമായി നടക്കുന്ന ജില്ലാ സമരസംഗമം നാളെ ഉച്ചയ്ക്ക് 1.30ന് കങ്ങരപ്പടി ഇസ്‌ലാമിക് സെന്ററില്‍ നടക്കും.
സംഗമം സമസ്ത ജില്ലാ ജനറല്‍ സെക്രട്ടറി ഓണമ്പിള്ളി മുഹമ്മദ് ഫൈസി ഉദ്ഘാടനം ചെയ്യും. ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍ അധ്യക്ഷത വഹിക്കും. കളമശ്ശേരി അല്‍ഹിദായ ഇസ്‌ലാമിക് അക്കാദമി പ്രിന്‍സിപ്പല്‍ അബ്ദുള്‍ ഖാദര്‍ ഹുദവി മുഖ്യപ്രഭാഷണം നടത്തും.
പ്രമുഖ നേതാക്കള്‍ സംഗമത്തില്‍ പങ്കെടുക്കും. ആതുര സേവന വിഭാഗമായ സഹചാരി റിലീഫ് സെല്ലിലേക്ക് ജില്ലയിലെ പള്ളികളില്‍ നിന്നും ശാഖകളില്‍ നിന്നും സ്വരൂപിച്ച ഫണ്ട് സംഗമത്തില്‍ സംസ്ഥാന കമ്മിറ്റിക്ക് കൈമാറുമെന്ന് ജില്ലാ ജനറല്‍ സെക്രട്ടറി പി.എം ഫൈസല്‍ അറിയിച്ചു.